ni LUIS G. ASUNCION
Ika-14 ng Agosto. 2015
(Repost)
Maraming salamat sa nakaalala.
Pinakamatinding naunang pag-iyak
sa pagkakapalo ng 'sang kumadrona
sa aking puwetan na parang sinapak.
Noong ikalabing-apat ng Agosto
Mil nuwebe sientos sitenta'y siyete,
Pilit sinilayan, liwanag ng mundo
Para maituloy, sinimulang lipi.
Nakipagsapalaran para mabuhay
Nakipagsapalaran para mabigo
Sapalaran para sa pagtatagumpay
Sapalaran para sa buong sandugo.
Nadugtungan ang aking buhay, salamat.
Nakipagsapalaran, daghang salamat.
Walang komento:
Mag-post ng isang Komento