FACE TO FACE

Ipinanganak man akong may uhog pa

ngunit naging maingat sa bagay noong bata

ang ilong kong ko ay nakalaan para makahinga

ng sariwang hangin mula sa hilaga.

Dumating ang araw ng pandemya

kinatakutan ng buong madla

upang ang pag-aaral ay maantala

ng ilang buwan upang makipagkita.

Nais ko na ang aking talento ay ipakita

ngunit hindi naging madali para makapunta

sa paaralan ng maraming dalubhasa

at mga mag-aaral na pinagpala.

Ngayon, hindi ko alam kung handa na

para humarap muli sa kanila

at maipakita ang aming pag-asa

na maging matatag at angat sa iba.

- Luis G. Asuncion

Disyembre 8, 2021

Tinula ni Sam Eleazar para sa kanyang asignatura

Ika-10 baytang

MILK TEA

Sa pagsikat ng araw mula sa bukang-liwayway 

Parang isang kiliti na humahaplos ang bawat sinag

Hanggang sa paglubog ng araw sa dapit-hapon na kumakaway. 

Hawak ang isang milk tea na hinihigop pero walang silbi

Na nagbibigay ng aliw sa bawat pawis na tumatagatak

Sa pagsikat ng araw mula sa bukang-liwayway.

At gustong ipaglaban ang katayuan ng nais pero naging pipi

Patuloy pa din ang pagpatak ng pawis at di makapalag

Hanggang sa paglubog ng araw sa dapit-hapon na kumakaway. 

Patuloy sa paglalakad para magkaroon ng pambili

Ng milk tea para sa katawan kong mainit at may pampalubag

Sa pagsikat ng araw mula sa bukang-liwayway 

Hanggang sa paglubog ng araw sa dapit-hapon na kumakaway.

-ni Luis G. Asuncion 25/05/2021 (07:32pm)

SIMULA NG FLIPTOP

     ni Luis G. Asuncion

Sa mga estudyante, ayos ba ang naging simula?

Ng ating klase ngayon pero wala pa tayong ginagawa

Fliptop girls and boys, handa na ba?

Pero bago ang lahat ay ako muna ang magsasalita.

Ano nga ba ang fliptop?

Bigyang depenisyon mula sa aking nakalap

Na mga pag-aaral sa tula na aking nalasap

Na malugod kong ituturo sa mga nais akong makausap.

Ang fliptop ay bagong katawagan

Sa free verse na dating ngalan

Nagging kakaiba lang

Ang mga salitang pinapakawalan.

Ang fliptop ay nagsimula

Sa pagbuhul-buhol ng mga salita

Kahit na hindi na alam kung anong iwiwika

Ay eto pa rin, panay ang dada.

Dati ang tula ay tamang tugma at sukat

Gaya ng sonata na may tamang pangkat

Kung iyong bibilangin, eto kilalang labing-apat

Isang tula mula kay Shakespeare na isang sikat.

Hanggang sa dumating ang mga Kastila

Sa ating bansa ay nagpakasasa

Ating mga Pilipino ay inalila

Kaya tayo naging dukha.

Ngunit tayo ay tinuruan

Ng mga tula tayo ay pinaglaruan

Ng mga katha at tayo ay idinuyan

Mula sa Luzon hanggang Mindanawan.

Hanggang sa magkaroon ng free verse

Paghaluin ang tagalong at English verse

Sa isang tula, ang mga makata transverse

At ngayon ay fliptop na namilipit ang verse.

PANALANGING PAMPANITIKAN

     ni Luis G. Asuncion

Aking mga mag-aaral

Handa na ba kayong mag-aral?

Halina’t tayo munang magdasal

Upang pumagitna ang presensya ng Maykapal.

Ating damhin ang presensya Niya

Ihanda na ang sarili sa makata

Sa panitikang punung-puno ng diwa

Eto na ang ating simula.

Mangandang tanghali, Panginoong Hesus

Kami ay patnubayan Mong lubos

Upang aming maibuhos

Ang tanaga o awit na malapit nang maubos.

Bigyam Mo kami ng magandang diwa

Para sa pag-aaral ng panitikan, kami ay matuwa

Lalabas an gaming mga katha

Mula sa mga makakati naming dila.

Maraming salamat po, Panginoon naming

Sa pagdinig sa aming panalangin

Hindi Ka nawawala sa aming hinihiling

At lagging pumupukaw sa aming damdamin.

Kami ay mag-aaral ng fliptop

Para sa panitikang aming mayayakap

Upang ang puso naming ay mag-alab

Bigmo Mo kami ng maayos na sangkap.

Mga kakaibang metaporya

Ang gagamitin ng aming mga dila

Lilikha ng magagandang tula

Para maging kaaya-aya.

Muli, ang Iyong Pangalan ay itinataas naming

Na Napakadakila at puno ng pansin

Panginoong Hesukristo, aming idinadalangin

Ang lahat ay magsabi ng “Amen”.

PANALANGIN

     ni Luis G. Asuncion

Sinikap abutin ang mga pangarap 

para aking malasap 

ang pusong nag-aalab 

na ibigay ang pagkamulat.

Minulat ko ang aking mga mata

panalangin ang umpisa

upang hilingin sa Dakilang Lumikha

ang kalakasang alay tuwina.

Ako, ikaw, tayong lahat 

ay dapat ibigay at ipamalas

ang pambihirang pagkamulat

na magbibigay sigla at buong lakas.

Ano pa ba ang aking panalangin?

Panalangin na aking itatanim 

sa puso't isipan ng kababayan natin 

magbigay pugay at trabaho'y pagbutihin.

ANG AKING MUNTING TULA-IKALAWANG BUGSO

     Orihinal na katha ng aking ama (Jose Cariño Asuncion) – Unang walong taludtod

     Dinugtungan ni Luis Gonzalo Asuncion – Ikasiyam na taludtod hanggang dulo

Ang aking munting tula

Ay ginawa ng aking ama

Amang maralita ngunit magalang

Sa mga inyo’y mapapalad na nilalang.

Pag-aaral at karunungan

Pagsusumikap at katiwasayan

Ay aking gagawin at iaasal

Sa tulong ng Poong Maykapal.

Ang aking munting tula

Ay aking din ipamamana

Kapag ako’y naging ganap na ama

Ng mga mapapalad na bata.

Sila’y aking pag-aaralin para sa karunungan

Magsusumikap para sa katiwasayan

Ay aking gagawin at iaalay

Sa tulong ng aking maybahay.

DODECASILABICONG SONETA NG AKING KAARAWAN

     ni LUIS G. ASUNCION

Ika-14 ng Agosto. 2015

(Repost)

Maraming salamat sa nakaalala.

Pinakamatinding naunang pag-iyak

sa pagkakapalo ng 'sang kumadrona

sa aking puwetan na parang sinapak.

Noong ikalabing-apat ng Agosto

Mil nuwebe sientos sitenta'y siyete,

Pilit sinilayan, liwanag ng mundo

Para maituloy, sinimulang lipi.

Nakipagsapalaran para mabuhay

Nakipagsapalaran para mabigo

Sapalaran para sa pagtatagumpay

Sapalaran para sa buong sandugo.

Nadugtungan ang aking buhay, salamat.

Nakipagsapalaran, daghang salamat.

ANG TUNAY NA DIWA NG PASKO (repost)

     ni LUIS G. ASUNCION

Ilang araw na lang, ito na ang Pasko

Anong masasabi? Anong mapapala?

Merong matatanggap, alahas o ginto

Cellphone, appliances, tablet o pitaka.

Sinong maysabi, tanging mayaman lang

Pwedeng mag-celebrate pati mahihirap

Anuman ang antas sa ating lipunan

Ang Pasko'y sasapit at yong malalasap.

Hindi mo naman need, dambuhalang chicken

Upang maihanda sa lamesang bilog;

Wala ring halaga, para yatang insane

Pilit iniisip, pangakong natulog.

Anong dapat sa mind, pera at materyal,

Pamilya't kaibigan na tunay magmahal.

PAGSISIMULA

<

     ni Luis G. Asuncion

Eto na ba ang simula?

Simula ng pagbabago ng madla

Madla na gustong magpakita

Ng bukas na ginhawa.

Ano ba ang nais mo?

Parehas ba ang nasa isip ko?

Magpatuloy sa pagtakbo

Ng mabilis na pagbukso.

Halika na!

Tayo ay magsimula

Sa panibagong tadhana

Na magbibigay ng sampung tonelada.