Ang Pagtatapos

 ANG PAGTATAPOS

ni LUIS G. ASUNCION, RL

Simula pa lamang ng aking paghakbang,

Hinubog ng hirap ako'y nagsumikap,

Kahit walang laman ang t'yang kumakalam,

Pilit nagliwanag, diwang naglagalag.

Diwa ng pag-asa, laging umaasa,

Aklat binusisi, lahat sinisipi

Ang bawat pahina na aking sininta

At hindi nagsisi sa lahat ng lipi.

Di alam kung bakit hakbang may balakid

Laging lumulunok, laway nilalagok

Pag-asa'y makamit, hakbanging makitid,

Maraming pagsubok, ako ang lililok

Ng pusong mabato, itataya'y dugo

Ang pagtatapos ko, iaalay sa'yo.

--9:45Pm (March 6, 2015)

San Martin Street, Fatima I, Area E, Sapang Palay, CSJDM, Bulacan

***sonetang may 12 baybay, may hati sa gitna ng bawat taludtod. May tamang sukat at tugma