"May hit ka!" Bulong ni SC sa iyo
Kapag nalaman ng Coach mo
"Walang Jo naman!", kunot noo
"Kaya di pumapasa scores nyo!"
Pagkarinig mo ng ganun
Para ka na nalunod sa balon
Nagsusumikap umahon
Pero mga sigaw nya, ika'y ikakahon
Lalamunin ka na ng buhay
Di mo na magawang kumaway
Dahil nagmumukha siyang kaaway
Ng mga ahenteng pasaway
Saan nga ba dadalhin
Ang wikang napakadiin
Walang Jo, kapansin-pansin
Pati ibang team napapatingin.
Merong isang grupo sa Telco
Nagsusumikap sa 3DR umasenso
Todo work, Todo na eto
Lahat ng spiels binabato!
Todo sikap Todo benta din
Para may APQ na makarating
Sa susunod na buwan para maredeem
Para sa next grocery natin.
VXS na lang ang kulang
Ang iba sa DSAT sinalang
Todo Sabi kaya natin yan
Sana magka-promoter bukas naman.
Wag Kang Ma-Rattle, yan Sabi sa Amin
Implementing action plan to the spin
Na dapat isapuso at isipin
Up to your last breath at kiligin.
Wag kang Ma-Rattle
Wag Kang Ma-Rattle
Wag Kang...
Wag Kang...
(Sabayang Pagbigkas mula sa katha ni Andres Bonifacio at Jose Corazon de Jesus)
Luis G. Asuncion
“Ang bayan kong Pilipinas, Lupain ng ginto't bulaklak, Pag-ibig na sa kanyang palad, Nag-alay ng ganda't dilag.”
Ahhh! Pilipinas...Pilipinas...yan ang bayan ko.
Bago dumating ang mga Espanyol, isa etong paraiso,
na niyakap ng ating mga ninuno
mula Lunes hanggang Domingo.
“Aling pag-ibig pa ang hihigit kaya”,
ni
Gat Andres Bonifacio sa kanyang tula.
“sa
pagkadalisay at pagkadakila”,
na
mga kabataan na huwad sa diwa.
“gaya
ng pag-ibig sa tinubuang lupa?”
saan
ako isinilang? Sa lupa ng dakila.
“Alin
pag-ibig pa? Wala na nga, wala”
Ng mga kabataang kinalimutan na.
“
At
sa kanyang yumi at ganda, Dayuhan ay nahalina, Bayan ko, binihag ka,
Nasadlak sa dusa.”
Hahahaha! Ang sarap magtampisaw sa tubig na malaya
kaya ang mga dayuhan ay humanga sa angking ganda
ng mga Espanyol sa aking bayan binihag niya
hanggang sa putikang inilubog sa pagdurusa.
“Ulit-ulitin mang basahin ng isip”
ang
wikang ibinahagi ng ating panaginip
“at
isa-isahing talastasing pilit”
ang
mga litanya ng korido’t awit.
“ang
salita’t buhay na limbag at titik”
mula
sa kayamanan ng inilubog sa putik
“ng
isang katauhan ito’y namamasid”
ang pang-aalipusta ng prayle na nanlilimasid.
“Banal na pag-ibig pag ikaw ang nukal”
sa
isip at talino na ibinungkal
“sa
tapat na puso ng sino’t alinman,”
ang
pag-ibig sa kapwang tiyan kumakalam
“imbit taong gubat, maralita’t mangmang”
indiyo, tayo’y binansagan
“nagiging dakila at iginagalang”
mula sa pamana ni Rizal idolo ng Katipunan.
“
Ibon
mang may layang lumipad, kulungin mo at umiiyak, Bayan pa kayang
sakdal dilag, Ang di magnasang makaalpas!”
Huhuhu! Ikaw, ako, tayong lahat ay naduduwagan
mula sa mga lahi ng monarkiya ng Espanyol na mapanlamang
pilit inangkin ang ating malaking kayamanan
ngunit di alam kung paano ipaglalaban.
“Pagpupuring lubos ang nagiging hangad”
ang
pinangarap natin sa Espanyol na bangag
“sa
bayan ng taong may dangal na ingat,”
ng
ating mga ninuno na nag-alaga ng tapat.
“umawit,
tumula, kumatha’t sumulat,”
yan
ang mga litanya ng mga bayaning minulat
“kalakhan
din nila’y isinisiwalat”
ang pag-ibig na wagas ng puso’t binuklat.
“
Ang
bayan kong Pilipinas, Lupain ng ginto't bulaklak, Pag-ibig na sa
kanyang palad, Nag-alay ng ganda't dilag.”
“At sa kanyang yumi at ganda, Dayuhan ay nahalina, Bayan ko, binihag ka, Nasadlak sa dusa.”
“Ibon mang may layang lumipad, kulungin mo at umiiyak, Bayan pa kayang sakdal dilag, Ang di magnasang makaalpas!”
ANG PAGTATAPOS
Sa pagsikat ng araw mula sa bukang-liwayway
Parang isang kiliti na humahaplos ang bawat sinag
Hanggang sa paglubog ng araw sa dapit-hapon na kumakaway.
Hawak ang isang milk tea na hinihigop pero walang silbi
Na nagbibigay ng aliw sa bawat pawis na tumatagatak
Sa pagsikat ng araw mula sa bukang-liwayway.
At gustong ipaglaban ang katayuan ng nais pero naging pipi
Patuloy pa din ang pagpatak ng pawis at di makapalag
Hanggang sa paglubog ng araw sa dapit-hapon na kumakaway.
Patuloy sa paglalakad para magkaroon ng pambili
Ng milk tea para sa katawan kong mainit at may pampalubag
Sa pagsikat ng araw mula sa bukang-liwayway
Hanggang sa paglubog ng araw sa dapit-hapon na kumakaway.
-ni Luis G. Asuncion 25/05/2021 (07:32pm)
ni Luis G. Asuncion
Sa mga estudyante, ayos ba ang naging simula?
Ng ating klase ngayon pero wala pa tayong ginagawa
Fliptop girls and boys, handa na ba?
Pero bago ang lahat ay ako muna ang magsasalita.
Ano nga ba ang fliptop?
Bigyang depenisyon mula sa aking nakalap
Na mga pag-aaral sa tula na aking nalasap
Na malugod kong ituturo sa mga nais akong makausap.
Ang fliptop ay bagong katawagan
Sa free verse na dating ngalan
Nagging kakaiba lang
Ang mga salitang pinapakawalan.
Ang fliptop ay nagsimula
Sa pagbuhul-buhol ng mga salita
Kahit na hindi na alam kung anong iwiwika
Ay eto pa rin, panay ang dada.
Dati ang tula ay tamang tugma at sukat
Gaya ng sonata na may tamang pangkat
Kung iyong bibilangin, eto kilalang labing-apat
Isang tula mula kay Shakespeare na isang sikat.
Hanggang sa dumating ang mga Kastila
Sa ating bansa ay nagpakasasa
Ating mga Pilipino ay inalila
Kaya tayo naging dukha.
Ngunit tayo ay tinuruan
Ng mga tula tayo ay pinaglaruan
Ng mga katha at tayo ay idinuyan
Mula sa Luzon hanggang Mindanawan.
Hanggang sa magkaroon ng free verse
Paghaluin ang tagalong at English verse
Sa isang tula, ang mga makata transverse
At ngayon ay fliptop na namilipit ang verse.
ni Luis G. Asuncion
Aking mga mag-aaral
Handa na ba kayong mag-aral?
Halina’t tayo munang magdasal
Upang pumagitna ang presensya ng Maykapal.
Ating damhin ang presensya Niya
Ihanda na ang sarili sa makata
Sa panitikang punung-puno ng diwa
Eto na ang ating simula.
Mangandang tanghali, Panginoong Hesus
Kami ay patnubayan Mong lubos
Upang aming maibuhos
Ang tanaga o awit na malapit nang maubos.
Bigyam Mo kami ng magandang diwa
Para sa pag-aaral ng panitikan, kami ay matuwa
Lalabas an gaming mga katha
Mula sa mga makakati naming dila.
Maraming salamat po, Panginoon naming
Sa pagdinig sa aming panalangin
Hindi Ka nawawala sa aming hinihiling
At lagging pumupukaw sa aming damdamin.
Kami ay mag-aaral ng fliptop
Para sa panitikang aming mayayakap
Upang ang puso naming ay mag-alab
Bigmo Mo kami ng maayos na sangkap.
Mga kakaibang metaporya
Ang gagamitin ng aming mga dila
Lilikha ng magagandang tula
Para maging kaaya-aya.
Muli, ang Iyong Pangalan ay itinataas naming
Na Napakadakila at puno ng pansin
Panginoong Hesukristo, aming idinadalangin
Ang lahat ay magsabi ng “Amen”.
